ბორჯომი. სასტუმრო ფირუზია

სახლი სახელწოდებით „ფირიუზა“ (ფირუზისფერი) 1892 წელს ააშენა მირზა-რიზა ხანმა, კავკასიაში ყაჯარების კონსულმა (1846-1937). შენობის ფასადი მდინარე ბორჯომულას გადაჰყურებს. ფირიუზას ძირითადი ნაწილი ქვისგან არის ნაშენი, ხოლო სახურავისა და ცენტრალური აივნის ნაწილი ხისგან არის დამზადებული. სახლში დომინირებს ლურჯი ფერი, ცენტრალური აივნის ჭერზე მრავალფეროვანი ქვებით (ძირითადად ფირუზისფერით) არის მორთული, საიდანაც მიიღო ვილამ სახელი. მეპატრონის წასვლის შემდეგ, 1910 წელს, შენობა სასტუმროდ გამოიყენებოდა. 1930-1950-იან წლებში სახლი პროფკავშირების საერთო საცხოვრებელს წარმოადგენდა, ხოლო 1950 წლიდან სანატორიუმის ნაწილი გახდა. 1980-იანი წლების ბოლოსთვის შენობა საქართველოს კულტურული მემკვიდრეობის ძეგლად იქნა აღიარებული. 1990-იან წლებში ფირიუზა მთავრობამ იძულებით გადაადგილებულ პირთა თავშესაფრად გადააკეთა. ამ პერიოდში შენობა დაინგრა და მრავალჯერ დაზიანდა. 2011 წელს სახლი აღადგინეს და განაახლეს. დღეს ყოფილი ვილა კერძო საკუთრებაშია და პოპულარული ტურისტული ღირსშესანიშნაობაა.