სასახლის ქუჩა პატარა იყო, მაგრამ ძველი თბილისისთვის ძალიან მნიშვნელოვანი: ის გოლოვინსკის გამზირს (ახლანდელი რუსთაველის გამზირი) აგრძელებდა და ერევნის მოედნამდე (ახლანდელი თავისუფლების მოედანი) მიდიოდა. მის ერთ ნაწილში (გოლოვინსკის პროსპექტის მხრიდან) მდებარეობდა კავკასიის სამხედრო ოლქის შტაბ-ბინა, მეზობელი სასტუმრო „კავკაზი“ (დაიწვა 1990-იან წლებში), ალექსანდრე ნეველის სახელობის ტაძარი (დანგრეული 1930 წელს), ასევე ვორონცოვის სასახლე (რომელიც დღემდეა შემორჩენილი) – საიდანაც ქუჩამ მიიღო სახელი. ერევნის მოედანთან უფრო ახლოს იყო ქართველი თავადაზნაურობის თეატრი (დაიწვა 1914 წელს) და თამამშევის ქარვასლა (დაიწვა 1874 წელს).
ტფილისი. სასახლის ქუჩა
