ბასკაკოვის აგარაკი მდებარეობს ქალაქ სოხუმში, პოდგორნის გზატკეცილზე (ახლანდელი ძიძარიას ქუჩა) ტრაპეციის მთის ქვეშ. მე-19 საუკუნის ბოლოს ვილჰელმინა ადოლფოვნა დუნდერმა შეიძინა ეს ნაკვეთი და 1898 წლისთვის მან აქ ააშენა ორსართულიანი სასახლე რამდენიმე აივნით და ამოჭრილი ვერანდით რუსულ სტილში. სასახლის მახლობლად მან გააშენა ბაღი ინგლისურ სტილში. 1909 წელს ვილჰელმინა ადოლფოვნამ ნაკვეთი მიჰყიდა ივან ივანოვიჩს და ანა ივანოვნა ბასკაკოვეებს, რომლებმაც შეძენის შემდეგ განაგრძეს ბაღის განვითარება. საბჭოთა მმართველობის დროს ბაღი და აგარაკი ნაციონალიზებულ იქნა – 1991 წლამდე აქ პიონერთა და სკოლის მოსწავლეთა სასახლე იყო განთავსებული.
სოხუმი. ბასკაკოვის აგარაკი
