ქუთაისი. წითელი ხიდი

ქუთაისში წითელი ხიდი 1860-1862 წლებში აშენდა, რაც მას კავკასიაში პირველ ლითონის ხიდად და ქალაქის უძველეს ხიდად აქცევს. წითელი ხიდის ისტორია 1859 წლის 19 ივნისს იწყება, როდესაც კაპიტანმა ბოლესლავ სტატკოვსკიმ მდინარე რიონზე ერთმალიანი ლითონის ხიდის პროექტი წარადგინა. მისი მშენებლობის ღირებულება 65,851 რუბლს შეადგენდა. წარმოდგენილი პროექტის დამტკიცების მიუხედავად, იგი სხვა პროექტით აშენდა. ლითონის ნაწილების წარმოება პარიზის სავაჭრო სახლ Kail and Co-ს შეუკვეთეს. sმშენებლობა 1860 წლის 24 ივნისს დაიწყო და ხიდი მოძრაობისთვის 1862 წლის 15 მაისს გაიხსნა.