ალექსანდრე პეტროვიჩი ოლდენბურგელი დაიბადა 1844 წლის 2 ივნისს ოლდენბურგის პრინც პეტრე გეორგიევიჩისა და ნასაუს პრინცესა ტერეზას ოჯახში. ის იყო მეფე პავლე პირველის შვილიშვილი და მეფე ნიკოლოზ II-ის ახლო ნათესავი. 1863 წელს პრინცი დაინიშნა ასეულის მეთაურად და გარკვეული პერიოდის შემდეგ გახდა ბატალიონის მეთაური. სამართლის სკოლის დამთავრების შემდეგ ალექსანდრე პეტროვიჩი დაბრუნდა სამხედრო სამსახურში – გენერალ-მაიორის წოდებით მან მონაწილეობა მიიღო 1877-1878 წლების რუსეთ-თურქეთის ომში, ხოლო 1895 წლისთვის მიიღო გენერლის წოდება და გახდა ალექსანდრე მესამეს ადიუტანტი. 1890 წელს პრინცმა საკუთარი სახსრებით დააარსა სანქტ-პეტერბურგის ექსპერიმენტული მედიცინის ინსტიტუტი – პირველი ასეთი დაწესებულება რუსეთში. 1901 წლის ოქტომბერში ოლდენბურსკიმ გაგრაში დაიწყო „კლიმატის სადგურის“ შექმნა, ექვსი თვის შემდეგ კი ყველა ძირითადი შენობა (სასტუმროები, საავადმყოფოები, მარინა) უკვე დასრულდა. 1903 წლის 9 იანვარს რესტორან „გაგრიფშში“ კურორტის საზეიმო გახსნა გაიმართა. სტუმრებისგან მილოცვისა და მისალმების მიღების შემდეგ, ოლდენბურგის პრინცმა პირველ დამსვენებლებს ამ ღონისძიებისთვის მოჭრილი ვერცხლის მედლები გადასცა.
გაგრა. ოლდნბურგის პრინცის სასახლე
